Semana do libro 3/3

O pasado venres, os nenos e nenas de Educación Infantil foron os encargados de clausurar a semana do libro con dúas fermosas poesías sobre a primavera e un conto chulísimo. Queredes ver que ben o fixeron? Mirade!

I CONCURSO DE PODCAST: "CURTIS NA LEMBRANZA, AS FEIRAS DE 1900"

Os alumnos e alumnas de 4º de Educación Primaria participamos no I Concurso de Podcast de Radio na biblio cunha curta emisión de radio que leva por título “Curtis na lembranza: As feiras de 1900” na que queremos por de manifesto a nosa historia, tendo como eixo vertebrador as feiras que tanto nos caracterizan, a nosa mellor tradición.

Así, decidimos realizar un faladoiro no que cada neno e nena aportara información sobre este evento, así como os datos que nos pareceron máis importantes e curiosos logo dun traballo de busca, reflexión e visionado de diferentes vídeos e fotografías.

Desfrutade deste audio e non esquezades que tedes unha cita en Curtis a última fin de semana de xullo.

Semana do libro (2/3)

Continuando coa Semana do Libro, hoxe as narracións de contos estiveron a cargo dos nosos compañeiros e compañeiras de primeiro, segundo e terceiro de Educación Primaria. Queredes saber cales foron os contos elixidos? Descubrideo no vídeo!

Semana do libro (1/3)

Con motivo da celebración do Día do libro, e aproveitando as sesións do plan lector, ao longo desta semana  reunirémonos na biblioteca do centro para compartir relatos e contos. Hoxe os compañeiros e compañeiras de cuarto, quinto e sexto de primaria foron os encargados de inaugurar dita celebración. Mirade que ben o fixeron!

LOGO GAÑADOR CONCURSO DE LOGOS "RADIO RADIOLA"

Este é o logo gañador co que se vai a identificar a nosa radio a partir de agora. Noraboa a Lucía Baos Salgado de 6º de Educación Primaria.

Grazas a todos e todas pola vosa participación e implicación.

UN LOGO PARA A NOSA RADIO, RADIOLA!

Este venres 12 de abril farase público cal será o logo para a nosa radio RADIOLA e tod@s vós fixéstedes un traballo magnífico! Por iso están todos expostos no noso patio para que poidades ver o que fixo cada un de vós, en definitiva: SODES UNS ARTISTAS!
Estamos creando unha gran radio, a NOSA RADIO.

Grazas a tod@s por participar, isto só acaba de comezar!

EMISIÓN EN PROBAS

Estamos a ultimar os detalles para que a nosa emisora de radio RADIOLA comece a funcionar. O vindeiro venres 12 de abril poderedes escoitar no noso patio durante o recreo o PRIMEIRO PROGRAMA.

LOS FUTBOLÍSIMOS - EL MISTERIO DE LOS SIETE GOLES EN PROPIA PUERTA

Hoxe tivo lugar na nosa biblioteca a presentación do novo libro dos "Futbolísimos" para o Club de Lectura que leva por título "El misterio de los siete goles en propia puerta".
Desexamos que sexa do agrado dos nosos lectores e que disfruten da súa lectura nas vacacións.

UN MUNDO CHEO DE PERSONAXES

O venres 5 durante o recreo os alumnos e alumnas do colexio decoraron e colorearon os personaxes dos seus contos favoritos e desfrutaron xuntos dun momento moi divertido.

Non perdades o que ocorrerá o próximo venres, agardámosvos na BIBLIO!

 Non deixedes de ler, vós sodes os auténticos protagonistas

CONCURSO DE LOGOS PARA A NOSA RADIO

Xa temos lema para a nosa radio!

                                                        RADIO RADIOLA 

                                                    A RADIO QUE MÁIS MOLA 

                                                   A RADIO DA NOSA ESCOLA

Tamén precisamos un logo, por iso convocamos un concurso de logos para a nosa radio no que todos podedes participar. Podedes parcipar facándonos chegar a vosa proposta ata o día 5 de abril. 

SEMANA DA PRENSA NA BIBLIO

Este venres 15 durante o recreo xogaremos cos titulares dos xornais para así formar os títulos máis disparatados que se nos ocorran, estades preparad@s para convertervos nos mellores xornalistas?


Agardámosvos a tod@s
FELIZ SEMANA DA PRENSA

Telexornal Curtis: Entroido

O vindeiro venres, 1 de marzo, celebraremos o ENTROIDO. Se o tempo o permite, sairemos a desfilar polas rúas do pobo a partir das 10:30h. En caso de choiva poderedes disfrutar das comparsas no pavillón polideportivo.

CLUB DE LECTURA/ PELÍCULA LOS FUTBOLÍSIMOS

Na sesión de hoxe disfrutamos da versión cinematográfica do libro que lemos "LOS FUTBOLÍSIMOS", como vedes foi moi entretido. No seguinte encontro, presentaremos o seguinte libro para ler, adiviñades cal poderá ser?