ENQUISA DA BIBLIOTECA

 

V EDICIÓN DO CORRELINGUA NA SEMANA DAS LETRAS GALEGAS

O pasado venres finalmente celebramos no CEIP de Curtis a V edición do Correlingua, unha xornada chea de deporte e moito orgullo pola nosa lingua.

O alumnado participou con grande entusiasmo nunha carreira simbólica pola defensa e promoción do galego, demostrando que a nosa lingua está moi viva entre as novas xeracións.

Un ano mais seguimos correndo pola lingua! 💙🏃‍♀️🏃‍♂️

A BALADA DOS UNICORNIOS NO CLUB DE LECTURA

O pasado 18 de maio, o alumnado de 5º e 6º de primaria reuniuse nunha nova sesión do noso club de lectura para compartir impresións sobre a novela A balada dos unicornios de Ledicia Costas. Un encontro, cheo de conversas sobre os personaxes, os misterios que agocha a historia e un mundo fascinante onde a ciencia e a maxia conviven de maneira sorprendente. Unha sesión na que o alumnado participou activamente, chea de interesantes reflexións que nos permitiu descubrir novas lecturas e gozar, unha vez máis, da maxia que nace cando compartimos libros.

Preme abaixo para ver a entrada na nosa canle de Instagram:

EMISIÓN ESPECIAL DE SEGUNDO DE PRIMARIA POLAS LETRAS GALEGAS

OBRADOIRO "PINTANDO GALIZA" PARA 3º, 4º, 5º E 6º DE PRIMARIA NA SEMANA DAS LETRAS

Con motivo da celebración das Letras Galegas, o alumnado de 3º, 4º, 5º e 6º de Educación Primaria participou no obradoiro “Pintando Galicia”, unha actividade moi especial guiada pola artista de Curtis Elvira Sánchez.

Durante a xornada, as nenas e os nenos tiveron a oportunidade de achegarse ao mundo da arte da man dunha creadora da nosa contorna, coñecendo de primeira man o seu traballo, as súas técnicas e a súa visión artística. A través da pintura, o alumnado explorou diferentes elementos que identifican a nosa terra: as paisaxes, as tradicións, a cultura e a riqueza natural de Galicia.

O obradoiro converteuse nun espazo de creatividade e expresión no que cada participante puido plasmar a súa propia interpretación de Galicia, empregando as cores e as formas para transmitir emocións, lembranzas e sentimentos vinculados á nosa identidade.

Ademais de fomentar a creatividade, esta actividade permitiu valorar a importancia da arte como medio de comunicación e coñecer o talento dunha artista local, reforzando o vínculo entre a escola e a comunidade.

As creacións realizadas amosaron unha gran imaxinación e sensibilidade, enchendo as aulas de cor e convertendo a arte nunha fermosa maneira de celebrar a nosa cultura e a nosa lingua.

Queremos agradecerlle a Elvira Sánchez a súa colaboración, a súa proximidade co alumnado e a ilusión que transmitiu durante todo o obradoiro. Foi unha experiencia enriquecedora que, sen dúbida, deixará unha pegada especial nos nosos pequenos artistas.

PRÓXIMA REUNIÓN NO CLUB DE LECTURA

TEATRO PARA 3º,4º,5º E 6º DE PRIMARIA NA SEMANA DAS LETRAS GALEGAS

 

Dentro das actividades organizadas para conmemorar as Letras Galegas e grazas á colaboración do Concello de Curtis, o alumnado de 3º, 4º, 5º e 6º de Educación Primaria asistiu na biblioteca do centro á representación teatral A Máquina do Tempo, da compañía Ghazafelhos.

Esta divertida e educativa obra transportounos a diferentes momentos da historia da humanidade da man da doutora Mon e do seu inseparable axudante Pe. Grazas á súa incrible máquina do tempo, ambos os personaxes emprenderon unha viaxe fascinante por distintas épocas e civilizacións, descubrindo curiosidades e acontecementos que marcaron o desenvolvemento do mundo.

Con moito humor, dinamismo e a participación activa do público, a representación conseguiu captar a atención do alumnado desde o primeiro momento. Ademais, algúns voluntarios e voluntarias tiveron a oportunidade de formar parte da aventura, acompañando a Pe nas súas viaxes temporais e converténdose en protagonistas da historia.

A través desta proposta teatral, os nenos e nenas aprenderon de maneira amena e pedagóxica aspectos relevantes da historia das civilizacións, ao tempo que gozaron dunha experiencia chea de risas, sorpresas e momentos inesquecibles.

Esta actividade permitiunos achegarnos á cultura e ao teatro en galego dunha forma lúdica e participativa, demostrando que aprender historia tamén pode ser unha gran aventura.

VISITA DE HARUNA CHATANI NA SEMANA DAS LETRAS LETRAS GALEGAS

No marco da celebración da Semana das Letras Galegas, tivemos a sorte de recibir no noso colexio a visita de Haruna Chatini, unha convidada moi especial que nos sorprendeu coa súa paixón e admiración por Galicia e pola nosa lingua.

Durante o encontro, Haruna compartiu co alumnado un fermoso conto tradicional xaponés, transportándonos ata o seu país de orixe a través da maxia das historias. Os nenos e nenas escoitaron con moita atención e descubriron algúns aspectos da cultura xaponesa, establecendo pontes entre dúas culturas tan afastadas xeograficamente e, ao mesmo tempo, tan próximas nos seus valores e tradicións.

A visita continuou cun momento moi especial no que Haruna demostrou o seu amor pola cultura galega. Tocou a pandeireta e tamén a gaita, interpretando pezas tradicionais que encheron o centro de música e alegría. O máis sorprendente foi escoitala expresarse en galego, unha lingua que aprendeu e que utiliza con grande respecto e entusiasmo.

O alumnado participou con interese, realizou preguntas e gozou dunha experiencia enriquecedora que nos axudou a comprender que a lingua e a cultura galegas poden traspasar fronteiras e conquistar corazóns en calquera lugar do mundo.

Queremos agradecerlle a Haruna a súa visita, a súa cercanía e o cariño co que compartiu connosco a súa historia. Sen dúbida, foi unha actividade inesquecible que contribuíu a facer desta Semana das Letras Galegas unha celebración moi especial.

Moitas grazas, Haruna, por transmitirnos que o amor pola lingua e pola cultura non entende de distancias! 💙🤍💙

TEATRO PARA INFANTIL, 1º E 2º DE PRIMARIA

Con motivo da conmemoración das Letras Galegas e coa colaboración do Concello de Curtis, o luns 11 de maio o alumnado do noso centro gozou na biblioteca dunha divertida e participativa representación teatral: Contos de Lobos?.

Nesta proposta teatral, as personaxes Mon e Pe achegáronse ao público para contar diferentes historias populares nas que os lobos son os protagonistas. A través dunha escolla aparentemente aleatoria de contos tan coñecidos como Carapuchiña Vermella, Os tres porquiños, Pedro e o lobo ou Os sete cabuxos, as nenas e os nenos convertéronse en actores e actrices por un día.

O espectáculo destacou pola súa gran interacción co público e por unha importante dose de improvisación colectiva. As alumnas e os alumnos participaron activamente na dramatización das historias, colaborando coas personaxes para dar vida aos contos e facer avanzar a trama.

Ademais da diversión, esta actividade permitiu traballar valores fundamentais como a escoita activa, a empatía, o respecto polos diferentes puntos de vista e a importancia da cooperación. A través do xogo teatral, o alumnado descubriu que a colaboración de todas e todos é esencial para construír unha historia compartida e aprender das mensaxes que transmiten os contos populares.

Foi unha experiencia moi enriquecedora que encheu a nosa biblioteca de risas, creatividade e ilusión, celebrando a lingua e a cultura galegas dunha forma dinámica e participativa.

FORMACIÓN EN RADIO CON DAMIÁN ALONSO

 

O pasado 8 de maio, o alumnado de 4º e 5º de Educación Primaria do CEIP de Curtis participou nun interesante obradoiro de radio impartido por Damián Alonso quen conta cunha ampla experiencia no ámbito da comunicación, da dobraxe e da radio educativa, colaborando ademais en proxectos relacionados coa radio escolar en Galicia.

Durante a sesión, o alumnado puido achegarse ao fascinante mundo da radio e descubrir como se prepara un programa: desde a elaboración do guión ata a gravación e o uso da voz diante do micrófono. A través de diferentes dinámicas prácticas, aprenderon a importancia da comunicación oral, da expresión, da entoación e do traballo en equipo.

A actividade resultou ser unha oportunidade para os nenos e nenas para perder o medo a falar en público, potenciar a creatividade e coñecer de preto o funcionamento dun medio de comunicación tan importante como a radio, experiencia conecta perfectamente co traballo que se desenvolve arredor da nosa biblioteca escolar e das actividades de expresión oral e escrita do centro.

Unha vez máis agradecer a visita e a implicación de Damián. 

PROGRAMACIÓN PARA A SEMANA DAS LETRAS GALEGAS 2026

 

ENCONTRO DE CLUBS DE LECTURA

XVIII XORNADA CLUBS DE LECTURA de ceip curtis

 

O pasado 29 de abril, o Ceip de Curtis participou no XVIII encontro dedicado aos clubs de lectura reuniu profesionais, mediadores e persoas participantes para compartir experiencias e reflexionar sobre o papel da lectura como ferramenta de aprendizaxe, inclusión e convivencia.

A xornada comezou cunha conversa virtual cun autor premiado, que permitiu ás persoas asistentes achegarse á súa experiencia creativa e literaria. A continuación, contou coa intervención de Alberto Soler, mediador e coordinador do Premio Mandarache, quen compartiu a súa visión sobre o fomento da lectura e a participación dos lectores e lectoras.

Durante a mañá tamén houbo espazo para coñecer outras iniciativas vinculadas aos clubs de lectura desenvolvidos en librarías e bibliotecas públicas, así como unha interesante charla centrada nos clubs de lectura fácil, unha proposta que favorece o acceso á lectura para todas as persoas.

Pola tarde desenvolvéronse sesións simultáneas nas que os centros educativos integrados no programa compartiron as súas experiencias e boas prácticas. Ademais, presentouse a plataforma M8 por ler, unha ferramenta destinada a impulsar e enriquecer a actividade lectora.

A xornada rematou cun dos momentos máis especiais: a intervención das persoas participantes nos clubs de lectura, que compartiron as súas vivencias, aprendizaxes e impresións, poñendo en valor estes espazos como lugares de encontro, diálogo

EMISIÓN DE RADIO DE TERCEIRO DE PRIMARIA.

 

CONTOAGASALLO NA SEMANA DO LIBRO

Con motivo da celebración da Semana do Libro, a biblioteca do CEIP de Curtis puxo en marcha unha actividade moi especial: o Contoagasallo.

Ao longo da semana, os nenos e nenas de Educación Primaria tiveron a oportunidade de levar para a casa un libro de agasallo procedente do expurgo da biblioteca. Estes exemplares, que xa cumpriran a súa función dentro dos fondos bibliotecarios do centro, iniciaron así unha nova viaxe cara aos fogares do noso alumnado.

A iniciativa foi recibida con gran entusiasmo, xa que cada neno e nena puido escoller libremente o libro que máis lle chamaba a atención, descubrindo novas lecturas e ampliando a súa biblioteca persoal.

Con esta actividade buscamos dar unha segunda vida aos libros, fomentar o gusto pola lectura e facer que as historias sigan chegando a novos lectores e lectoras máis aló das paredes da escola.

Porque os libros están feitos para ser lidos, compartidos e desfrutados, e non hai mellor agasallo que unha historia capaz de acompañarnos, emocionarnos e facernos soñar.

Agardamos que estes contos e libros atopen un lugar especial nas casas do noso alumnado e que continúen escribindo novas aventuras nas mans dos seus novos lectores.

SEMANA DA PRENSA

Con motivo da Semana da Prensa, celebrada do 9 ao 13 de marzo, o alumnado do CEIP de Curtis converteuse en auténtico equipo de redacción. Ao longo da semana, os nenos e nenas consultaron diferentes xornais, exploraron as súas seccións e seleccionaron aquelas noticias que lles pareceron máis interesantes e relevantes.

Cultura, deportes, ciencia, medio ambiente, sociedade ou novas locais foron algúns dos temas escollidos para elaborar o noso panel informativo, que foi medrando día a día grazas ás achegas de todos os cursos.

Na imaxe pode verse o resultado deste traballo colaborativo: unha cortiza chea de información, reflexións e actualidade que permitiu achegar a prensa ao alumnado dun xeito dinámico e participativo.

Con iniciativas como esta seguimos fomentando a lectura crítica dos medios de comunicación e o desenvolvemento da competencia informacional, aprendendo a buscar, seleccionar e valorar a información que nos rodea.

Porque ler a prensa tamén é unha forma de comprender mellor o mundo.

 

ENQUISA ALUMNOS INFANTIL, 1º E 2º DE PRIMARIA

O noso centro está a traballar na elaboración e actualización do PLEA (Plan de Lectura, Escritura e Acceso á Información), un documento fundamental que orienta as actuacións relacionadas coa lectura, a escritura e o acceso á información en todas as materias e etapas educativas.

Co fin de coñecer os hábitos lectores, intereses e necesidades da nosa comunidade educativa, elaboráronse varias enquisas dirixidas ao alumnado, ás familias e ao profesorado. Nesta primeira fase precisamos realizar unha avaliación inicial mediante os seguintes cuestionarios.

A información recollida permitiranos deseñar un PLEA máis axeitado á realidade do centro e mellorar as actuacións vinculadas á biblioteca escolar e ao fomento da lectura.

Moitas grazas pola vosa colaboración.

SEMANA DA PRENSA

 

Do 9 ao 13 de marzo, a nosa biblioteca sumouse á celebración da Semana da Prensa, unha iniciativa destinada a achegar o alumnado á actualidade e fomentar o desenvolvemento do pensamento crítico a través dos medios de comunicación.

Ao longo da semana, o alumnado tivo á súa disposición diferentes xornais e publicacións para coñecer de primeira man as noticias máis destacadas do momento. Ademais, cada grupo seleccionou información de distintas seccións, como cultura, deportes, sociedade, ciencia ou medio ambiente, realizando unha lectura e análise das novas que máis chamaron a súa atención.

As noticias escollidas foron expostas na cortiza da biblioteca, creando un espazo informativo compartido que permitiu descubrir a diversidade de temas tratados na prensa e promover o intercambio de opinións entre o alumnado.

Con esta actividade seguimos traballando a competencia informacional e o espírito crítico, aprendendo a buscar, seleccionar e interpretar información de maneira responsable. Unha experiencia enriquecedora que converteu a biblioteca nun auténtico punto de encontro coa actualidade.

ENQUISA ALUMNADO 3º,4º,5º e 6º DE PRIMARIA

 

O noso centro está a traballar na elaboración e actualización do PLEA (Plan de Lectura, Escritura e Acceso á Información), un documento fundamental que orienta as actuacións relacionadas coa lectura, a escritura e o acceso á información en todas as materias e etapas educativas.

Co fin de coñecer os hábitos lectores, intereses e necesidades da nosa comunidade educativa, elaboráronse varias enquisas dirixidas ao alumnado, ás familias e ao profesorado. Nesta primeira fase precisamos realizar unha avaliación inicial mediante os seguintes cuestionarios.

A información recollida permitiranos deseñar un PLEA máis axeitado á realidade do centro e mellorar as actuacións vinculadas á biblioteca escolar e ao fomento da lectura.

Moitas grazas pola vosa colaboración.

ENQUISA PLEA PARA MESTRES

 

O noso centro está a traballar na elaboración e actualización do PLEA (Plan de Lectura, Escritura e Acceso á Información), un documento fundamental que orienta as actuacións relacionadas coa lectura, a escritura e o acceso á información en todas as materias e etapas educativas.

Co fin de coñecer os hábitos lectores, intereses e necesidades da nosa comunidade educativa, elaboráronse varias enquisas dirixidas ao alumnado, ás familias e ao profesorado. Nesta primeira fase precisamos realizar unha avaliación inicial mediante os seguintes cuestionarios.

A información recollida permitiranos deseñar un PLEA máis axeitado á realidade do centro e mellorar as actuacións vinculadas á biblioteca escolar e ao fomento da lectura.

Moitas grazas pola vosa colaboración.

ENQUISA PLEA PARA AS FAMILIAS

 

O noso centro está a traballar na elaboración e actualización do PLEA (Plan de Lectura, Escritura e Acceso á Información), un documento fundamental que orienta as actuacións relacionadas coa lectura, a escritura e o acceso á información en todas as materias e etapas educativas.

Co fin de coñecer os hábitos lectores, intereses e necesidades da nosa comunidade educativa, elaboráronse varias enquisas dirixidas ao alumnado, ás familias e ao profesorado. Nesta primeira fase precisamos realizar unha avaliación inicial mediante os seguintes cuestionarios.

A información recollida permitiranos deseñar un PLEA máis axeitado á realidade do centro e mellorar as actuacións vinculadas á biblioteca escolar e ao fomento da lectura.

Moitas grazas pola vosa colaboración.

DÍA DA PAZ 2026

Hoxe, 30 de xaneiro, co eido do Día da Paz e a non violencia, a nosa comunidade educativa reuniuse para compartir unha xornada chea de cor, creatividade e emocións, na que reflexionamos sobre a importancia da convivencia, do respecto e da solidariedade.Durante os días previos, o alumnado participou na elaboración de fermosos paxaros e pombas de cores, símbolos universais da paz e da esperanza. Cada creación foi decorada con mensaxes, debuxos e desexos que nos lembran a importancia de construír un mundo máis xusto e amable para todas as persoas.As nosas aves enchéronse de vida grazas á imaxinación dos nenos e nenas, converténdose nunha colorida mostra do compromiso do CEIP de Curtis cos valores da paz, da tolerancia e da cooperación.

Como peche desta celebración tan especial, reunímonos todos e todas na biblioteca do centro para compartir un momento inesquecible. Alumnado, profesorado e persoal do colexio unimos as nosas voces para interpretar a canción Ama, ama, ama y ensancha el alma, nunha adaptación musical preparada con arranxos de Mónica Cano.

Foi unha xornada para lembrar que a paz non é só unha palabra, senón unha actitude que debemos cultivar dentro e fóra da escola.

 

PRÓXIMA REUNIÓN DO CLUB DE LECTURA

 

AS MOCHILAS VIAXEIRAS COMEZAN UNHA NOVA ANDAINA

Durante o curso 2025/2026, as Mochilas Viaxeiras volverán percorrer os fogares do alumnado do CEIP de Curtis para levar a lectura, a imaxinación e a ilusión máis alá das aulas. Esta actividade estará estreitamente relacionada co noso Proxecto Documental Integrado "Con Moito Conto", que nos permitirá afondar no apaixonante mundo dos contos, dos personaxes, das historias e da tradición oral. Cada mochila inclue unha coidada selección de libros, álbums ilustrados, contos e materiais pensados para compartir en familia. O alumnado levará as mochilas ás súas casas para gozar de momentos de lectura, descubrir novas historias e vivir aventuras inesquecibles a través das páxinas dos libros. Con esta iniciativa pretenderemos fomentar o hábito lector, espertar a curiosidade, desenvolver a creatividade e fortalecer os vínculos entre a escola e as familias. Ademais, as mochilas converteranse nunha excelente oportunidade para facer da lectura unha experiencia compartida e enriquecedora.

Ao longo do curso, os contos serán os grandes protagonistas do noso PDI. A través deles viaxaremos a lugares fantásticos, coñeceremos personaxes sorprendentes e aprenderemos valores que nos axudarán a crecer como persoas.

Desde a Biblioteca Escolar animamos a todas as familias a participar nesta proposta, acompañando aos seus fillos e fillas nesta viaxe lectora chea de emocións, descubrimentos e aprendizaxes.

Porque con moito conto... haberá moita imaxinación e moitas ganas de ler!