SAMAÍN NO CEIP DE CURTIS

Entrado o mes de novembro, deixamos atrás o Samaín e a súa celebración. Este ano propuxémoslle ao alumnado que decorase cabazas unindo a temática do Samaín co proxecto do centro "Namor-ARTE". 

O noso alumnado e as súas familias traballaron duro e conseguiron facer verdadeiras obras de arte, tal e como se pode comprobar no seguinte vídeo. 

Despois de velas expostas, mesmo lle poderiamos chamar "Cabaz-ARTE" para ir en consonancia co noso proxecto. Verdade que é un nome ben artístico? Ocórreseche algún outro máis acaído?

Agardamos que vos gusten as creacións do noso alumnado!

Para os e as que queirades saber máis sobre a celebración do Samaín en Galicia podedes picar aquí ou aquí. 

UNHA HISTORIA MÁIS QUE DE MEDO/ UN CONTO VIAXEIRO

Os alumnos do centro elaboraron un conto viaxeiro de medo relacionado co proxecto "namorARTE" deixando voar a súa imaxinación e a creatividade. Comezou a súa viaxe na clase de 3 anos ata chegar a 6º que foron os encargados de poñerlle fin. Para ler o conto premede na imaxe. 

LIBROS SOBRE O PROXECTO NAMORARTE

Poñemos á vosa disposición unha selección de libros sobre o proxecto "namorARTE", para ler e compartir. Tamén podedes vivsitar o noso taboleiro de PINTEREST cunha escolma de libros sobre o proxecto: 

LECTURAS DE SAMAÍN

Xa podedes visitar na nosa biblioteca un recuncho no que se escolleron algúns dos títulos mais arrepiantes... . Tamén podedes votar un ollo ao noso taboleiro de pínterest cunha escolma de títulos propios para estas datas: 

COÑECEMOS A ARTE DE YAYOI KUSAMA

 

Os nenos e nenas de 5º de infantil investigaron sobre unha das artistas xaponesas mais importantes a nivel internacional YAYOI KUSAMA cun estilo conceptual, minimalista e cun aire pop. A súa arte e facilmente recoñecible polo emprego de cabazas grandes e pequenas sempre cubertas por un "manto de lunares" se queredes saber mais cousas desta artista podedes ver o seguine video:

DÍA DAS BIBLIOTECAS

MAGOSTO `POP ART

Dentro do proxecto "namorARTE" e en colaboración co Equipo de Dinamización sa Lingua Galega para conmemorar o magosto POP ART cada clasedecorou a súa castaña para facer un mural ao máis puro estilo do artista Andy Warhol. Aquí podedes ver o resultado: 

CLUB DE LECTURA CHARLIE E A FÁBRICA DE CHOCOLATE (I)

 

Hoxe tivo lugar na nosa biblio a primeira reunión do Club de Lectura na que repartimos os libros aos nosos membros. Pronto teremos a seguinte reunión pero mentras disfrutade da lectura.

CLUB DE LECTURA/ RESULATADO DAS VOTACIÓNS

 

Este foi o resultado da votación entre os participantes do Club de Lectura. Aínda que o resultado estivo moi axustado finalmente comezaremos coa deliciosa lectura CHARLIE E A FÁBRICA DE CHOCOLATE .

CLUB DE LECTURA DO LIBRO AO CINE

 

Comenzamos este Club de Lectura con catro propostas para sometelas a votación:

AS BRUXAS de Roald Dahl

ALICIA NO PAÍS DAS MARAVILLAS de Lewis Caroll

CHARLIE E A FÁBRICA DE CHOCOLATE de Roald Dahl

MATILDA de Roald Dahl

O resultado ... saberémolo a vindeira semana.