CONTINÚA O TORNEO DE XADREZ ... CUARTOS DE FINAL

 

RESERVA DA BIOSFERA:VISITA A BERGONDO

 

NOS SOMOS HISTORIA: A ROMANIZACIÓN

Este curso, o alumnado de 1º de Primaria traballou sobre a Romanización, descubrindo como foi a chegada dos romanos a Galicia e a pegada que aínda permanece no noso territorio.

Ao longo do proxecto, investigaron quen eran os romanos, como vivían e por que chegaron ata aquí. Aprenderon sobre os campamentos romanos, as súas construcións e organización, e comprenderon como moitos dos seus inventos e costumes seguiron presentes durante séculos.

Un dos momentos máis especiais foi a visita ao Castro de Viladonga, onde puideron observar de preto restos arqueolóxicos e imaxinar como era a vida naquela época. Ademais, participaron nun obradoiro artístico, no que traballaron sobre algúns dos principais monumentos romanos e plasmaron, de forma creativa, o aprendido.

O proxecto completouse co traballo de vocabulario específico en inglés, o que lles permitiu explicar parte do que aprenderon noutra lingua, e coa preparación dun programa de radio escolar, no que compartiron as súas investigacións.

Grazas a esta experiencia, os nenos e nenas descubriron que a historia non é só algo do pasado: forma parte do lugar onde vivimos e segue acompañándonos no día a día.

Así foi o proceso: 

E a visita á exposición do proxecto nas xornadas de portas abertas: 

BIBLIOTECA DO CEIP DE CURTIS

CURSO 2024/25

NÓS SOMOS HISTORIA: A PREHISTORIA

Os alumnos e alumnas de 4º e 5º de Infantil traballaron ao longo do curso sobre o Paleolítico, unha das etapas máis antigas e fascinantes da prehistoria.

Ademais de participar na elaboración do tapiz colectivo, coñeceron como era a vida das persoas daquela época mediante lecturas, contos e materiais seleccionados pola súa titora. Grazas a estas propostas, os nenos e nenas puideron imaxinar como se organizaban as familias, de que maneira se alimentaban e como se protexían do frío e dos perigos.

Para completar o proxecto, realizaron diferentes obradoiros temáticos, nos que aprenderon dun modo divertido e manipulativo:

• “Pinturas do Paleolítico”, recreando as pinturas rupestres das cavernas.

• “Como vestían na prehistoria?”, explorando os materiais que utilizaban para facer roupa e abrigo.

• “Coñecemos os animais prehistóricos”, achegándose aos grandes animais que habitaban a Terra nesa época.

Estas actividades permitiron que o alumnado se convertera en auténticos pequenos exploradores do pasado, desenvolvendo a curiosidade, a creatividade e o gusto por aprender historia.

Obradoiro de pinturas rupestres: 

Obradoiro "Como vestían na prehistoria?"

    Obradoiro "Animais prehistóricos": 

Visita á exposición durante as xornadas de portas abertas: 

BIBLIOTECA DO CEIP DE CURTIS

CURSO 2024/25

OBRADOIRO EN IGUALDADADE

 

O pasado luns os alumnos de 6º de primaria participaron nun obradoiro en igualdade impulsado dende o CIM (Centro de Información ás Mulleres) do Concello de Curtis que pretende axudar a previr actitudes e comportamentos sexistas. 

XVII XORNADA DE CLUBS DE LECTURA

 

II TORNEO DE XADREZ

CORRELINGUA POLAS LETRAS GALEGAS

 Un ano mais, o pasado venres 16 de maio organizamos a IV EDICIÓN DO CORRELINGUA no noso colexio na que todos participamos. Ao rematar a carreira agasallámolos coas medallas que eles mesmos fixeron para os compañeiros. Premede no video para poder ver o ben que o pasaron.

RADIO RADIOLA: EMISIÓN DE TERCEIRO DE PRIMARIA POLAS LETRAS GALEGAS

 

II FESTIVAL LETRAS SONORAS

O pasado xoves 15 de maio, no patio da escola tivo lugar o II Festival “Letras Sonoras” organizado pola mestra de música.

Todos os nenos e nenas da escola participaron interpretando diferentes piezas. Unha iniciativa que sen dúbida repetiremos.

 

TÍTERES “PIRULA E O MISTERIO DAS ABELLAS

O pasado mércores co eido da Semana das Letras Galegas os nenos e as nenas do cole II acudiron a actuación de títeres “Pirula e o misterio das abellas” a cargo da compañía Garabullo en colaboración con Concello de Curtis.

 

OBRADOIRO DE CANTIGAS A CARGO DE UXÍA MUIÑO

O pasado martes 13 de maio co eido da celebración da Semana das bodas letras, os nenos e as nenas de 5º e 6º de Educación Primaria participaron nun obradoiro de composición dunha cantiga con Uxía Muíño.

Afondaron na orixe das cantareiras e o seu proceder e pudieron realizaron a composición dunha cantiga por grupos.

Finalmente, interpretaron  as cantigas compostas por eles e elas mesmos. Aquí deixamos unha mostra da actividade realizada.