XOGOS DE CONVIVENCIA NAS LETRAS GALEGAS

Para rematar a Semana de celebración das Letras Galegas, coincidindo ademais co día da convivencia, organizamos un circuito de xogos e obradoiros artesanais: elaboración dun maio, tiro á corda, baile da vasoira, guerra de equilibrios, obradoiro galeguista, obradoiro de xoguete con material de reciclaxe, obradoiro oleiro, castelos de carozos, tiro ao caldeiro e obradoiro de baile tradicional galego.
Os nenos e nenas e tamén as maestras, pasámolo moi ben. Queremos agradecer a colaboración da ANPA pola axuda para o obradoiro de maios e tamén a todas as familias por colaborar co material necesario.
VIVA AS LETRAS GALEGAS!!

Para ver máis fotos, clicade na imaxe.

Semana Letras Galegas: “Os Caxigos”

No Ceip de Curtis continuamos co festexo. Hoxe a celebración correu a cargo do grupo teatral “Os Caxigos”, composto por moitos dos nosos compañeiros e compañeiras do cole, os cales interpretaron unha fermosísima e interesante obra titulada “O Conxuro das Letras”; unha obra montada POR ELES. NORABOA AMIGXS! Quedamos con ganas de máis!

FOTOS ACTUACIÓN

Semana das Letras Galegas: Rockenstein

Seguimos celebrando a semana das letras galegas. Hoxe 14 de maio, as nenas e nenos do CEIP de Curtis acudimos ao edificio de usos múltiples de Teixeiro para disfrutar do espectáculo Os Rockenstein, a cargo da compañía de teatro Mala Sombra. 

Semana das Letras Galegas: Radio Bule Bule

Hoxe, luns 13  de maio, comenzamos a semana de celebración das Letras Galegas coa posta en marcha da primeira das actuacións, coa que nos divertimos moito: Paco Nogueira rróuxonos o seu espectáculo de RADIO BULE BULE.

                                           Con el cantamos,

                                                                                                      aprendemos as seccións da radio,

                               representamos en lingua de signos,

                                                                                                                    vimos o tempo,

                                                   tivemos concurso,

                                                                                           bailamos...

Fotos actuación

Telexornal Curtis: LETRAS GALEGAS

Con motivo da celebración das letras galegas, na vindeira semana levaremos a cabo unha serie de actividades. Queredes saber cales? Aquí tedes o noso programa.

PROGRAMA

Semana do libro 3/3

O pasado venres, os nenos e nenas de Educación Infantil foron os encargados de clausurar a semana do libro con dúas fermosas poesías sobre a primavera e un conto chulísimo. Queredes ver que ben o fixeron? Mirade!

I CONCURSO DE PODCAST: "CURTIS NA LEMBRANZA, AS FEIRAS DE 1900"

Os alumnos e alumnas de 4º de Educación Primaria participamos no I Concurso de Podcast de Radio na biblio cunha curta emisión de radio que leva por título “Curtis na lembranza: As feiras de 1900” na que queremos por de manifesto a nosa historia, tendo como eixo vertebrador as feiras que tanto nos caracterizan, a nosa mellor tradición.

Así, decidimos realizar un faladoiro no que cada neno e nena aportara información sobre este evento, así como os datos que nos pareceron máis importantes e curiosos logo dun traballo de busca, reflexión e visionado de diferentes vídeos e fotografías.

Desfrutade deste audio e non esquezades que tedes unha cita en Curtis a última fin de semana de xullo.

Semana do libro (2/3)

Continuando coa Semana do Libro, hoxe as narracións de contos estiveron a cargo dos nosos compañeiros e compañeiras de primeiro, segundo e terceiro de Educación Primaria. Queredes saber cales foron os contos elixidos? Descubrideo no vídeo!

Semana do libro (1/3)

Con motivo da celebración do Día do libro, e aproveitando as sesións do plan lector, ao longo desta semana  reunirémonos na biblioteca do centro para compartir relatos e contos. Hoxe os compañeiros e compañeiras de cuarto, quinto e sexto de primaria foron os encargados de inaugurar dita celebración. Mirade que ben o fixeron!

LOGO GAÑADOR CONCURSO DE LOGOS "RADIO RADIOLA"

Este é o logo gañador co que se vai a identificar a nosa radio a partir de agora. Noraboa a Lucía Baos Salgado de 6º de Educación Primaria.

Grazas a todos e todas pola vosa participación e implicación.

UN LOGO PARA A NOSA RADIO, RADIOLA!

Este venres 12 de abril farase público cal será o logo para a nosa radio RADIOLA e tod@s vós fixéstedes un traballo magnífico! Por iso están todos expostos no noso patio para que poidades ver o que fixo cada un de vós, en definitiva: SODES UNS ARTISTAS!
Estamos creando unha gran radio, a NOSA RADIO.

Grazas a tod@s por participar, isto só acaba de comezar!

EMISIÓN EN PROBAS

Estamos a ultimar os detalles para que a nosa emisora de radio RADIOLA comece a funcionar. O vindeiro venres 12 de abril poderedes escoitar no noso patio durante o recreo o PRIMEIRO PROGRAMA.

LOS FUTBOLÍSIMOS - EL MISTERIO DE LOS SIETE GOLES EN PROPIA PUERTA

Hoxe tivo lugar na nosa biblioteca a presentación do novo libro dos "Futbolísimos" para o Club de Lectura que leva por título "El misterio de los siete goles en propia puerta".
Desexamos que sexa do agrado dos nosos lectores e que disfruten da súa lectura nas vacacións.