EXCURSIÓN 4º, 5º e 6º de PRIMARIA A LUGO

Os alumnos de 4º, 5º e 6º de Educación Primaria, asistimos ao Museo Provincial de Lugo e ao Codex Cinema, o pasado 25 de novembro.

 

25 N/ DÍA DA VIOLENCIA CONTRA A MULLER

Este ano queremos conmemorar o día da violencia contra a muller traballando o conto ARTUR E CLEMENTINA:

ESCAPE ROOM NO CLUB DE LECTURA- CHARLIE E A FÁBRICA DE CHOCOLATE

 

XA SOMOS BIBLIOTECA CREATIVA!!!

 

Xa somos biblioteca creativa!

A nosa biblioteca é un dos 25 novos centros que participan no programa BIBLIOTECA CREATIVA, que apoia a cultura da experimentación, a creación e a investigación en espazos creativos e cooperativos vinculados coa biblioteca ofertando aos nosos alumnos novas oportunidades de multialfabetización. 

CLUB DE LETURA

 

MES DA CIENCIA EN GALICIA EN GALEGO NAS BIBLIOTECAS ESCOLARES. EXPERIMENTAMOS.

 

Os alumn@s de 2º de primaria estudaron os volcáns a través dos libros da nosa biblioteca, realizaron diversas actividades para comprender o seu funcionamento e finalmente recrearon un volcán. Aquí tedes un video do seu proxecto:

Os alumnos de 6º de primaria partticiparon nun obradoiro de robótica. 

MES DA CIENCIA EN GALEGO NAS BIBLIOTECAS ESCOLARES /LECTURAS.

Tamén podedes visitar o noso taboleiro de Pinterest:

AS MOCHILAS VIAXEIRAS COMEZAN A SÚA ANDAINA

 Un ano máis as mochilas viaxeiras comezan a súa andaina cargadas de libros que farán voar a vosa imaxinación. Levan unha escolma de libros que agardamos vos gusten. 

MES DA CIENCIA EN GALEGO- CIENCIA E ARTE

 

Arte e ciencia dialogan e discuten entre si. Con frecuencia cométese o erro de considerar ambas como disciplinas opostas pero en realidade poden complementarse e axudarse, soamente que son dúas formas diferentes de explorar o mundo que as veces se atopan. 

En realidade ciencia e arte están conectadas e ningunha forma de coñecemento é impermeable a outra. Senón, como podería crearse unha obra plástica sen as técnicas aportadas pola ciencia? e como poderíamos interpretar a elección dos materiais? Polo tanto a ciencia é unha ferramenta para a arte tal e como afirma Déborah Bello, investigadora da relación entre a relación entre arte e ciencia e divulgadora científica.

A relación da arte e a ciencia podémola observar nas  ilusións ópticas. Aquí vai un exemplo:

MES DA CIENCIA EN GALEGO 2022

Iniciamos este mes de novembro coa difusión dun texto a modo de manifesto da profesora, enxeñeira química e investigadora en intelixencia artificial Amparo Alonso Betanzos. Salienta que 

 "... a ciencia é o piar do benestar social e económico, o coñecemento xera persoas esociedades máis libres e críticas e as bibliotecas son, en parte, as gardas dese coñecemento. Que máis necesitamos para gozalas?."

 

 

SAMAÍN NO CEIP DE CURTIS

Entrado o mes de novembro, deixamos atrás o Samaín e a súa celebración. Este ano propuxémoslle ao alumnado que decorase cabazas unindo a temática do Samaín co proxecto do centro "Namor-ARTE". 

O noso alumnado e as súas familias traballaron duro e conseguiron facer verdadeiras obras de arte, tal e como se pode comprobar no seguinte vídeo. 

Despois de velas expostas, mesmo lle poderiamos chamar "Cabaz-ARTE" para ir en consonancia co noso proxecto. Verdade que é un nome ben artístico? Ocórreseche algún outro máis acaído?

Agardamos que vos gusten as creacións do noso alumnado!

Para os e as que queirades saber máis sobre a celebración do Samaín en Galicia podedes picar aquí ou aquí. 

UNHA HISTORIA MÁIS QUE DE MEDO/ UN CONTO VIAXEIRO

Os alumnos do centro elaboraron un conto viaxeiro de medo relacionado co proxecto "namorARTE" deixando voar a súa imaxinación e a creatividade. Comezou a súa viaxe na clase de 3 anos ata chegar a 6º que foron os encargados de poñerlle fin. Para ler o conto premede na imaxe. 

LIBROS SOBRE O PROXECTO NAMORARTE

Poñemos á vosa disposición unha selección de libros sobre o proxecto "namorARTE", para ler e compartir. Tamén podedes vivsitar o noso taboleiro de PINTEREST cunha escolma de libros sobre o proxecto: