COMEZA O CLUB DE LECTURA: LOS FUTBOLÍSIMOS

 

PRIMEIRA REUNIÓN DO CLUB DE LECTURA: LOS FUTBOLÍSIMOS

 

CONMEMORAMOS O DÍA DAS BIBLIOTECAS

 

Hoxe é unha data especial, o 24 de outubro conmmemoramos un ano máis o día das bibliotecas dando inicio ao proxecto "Galicia somos nós". Os alumnos do centro cantaron con moito tino a canción lingua guapa. 

Unha conmemroración doble xa que celebramos o noso 1º premio de Clubs de Lectura concedido polo Ministerio de Educación dotado con 5000 euros para a nosa biblioteca e que nos enche de ledicia.

RECEPCIÓN DE ROMÁN RODRÍGUEZ AOS CENTROS GAÑADORES DOS CLUBS DE LECTURA

 

Hoxe a Directora do Ceip de Curtis, María Jesús Barral Bascoy e a coordinadora da Biblioteca, Maria Isabel Castiñeira Souto foron recibidas na Cidade da Cultura, xunto cos representantes dos demais centros premiados no Concurso Nacional de Clubs de Lectura. 

No acto presidido polo Conselleiro de Cultura, Educación, FP e Universidades Román Rodriguez e a Xefa do Servizo de Innovación e Programas Educativos Elena Castro animáronnos a continuar coa nosa labor para incentivar a lectura.

HORARIO DA BIBLIOTECA PARA O CURSO 23/24

 

CLUB DE LECTURA: RESULTADO DA VOTACIÓN

 

Hoxe convocamos aos participantes no club de lectura para comunicar o resultado das votacións. Con ampla maioria resultaron seleccionadas dúas sagas. Segundo a votación comenzaremos coa lectura do último libro publicado de a saga “Los futbolísimos” de Roberto Santiago. Continuaremos coa saga “O Diário de Greg”. Aproveitaremos para poñer a disposición dos membros do club as sagas completas para que as poidan ler se o desexan. Será todo un reto para o equipo da biblioteca co que agardamos disfrutar nesta edición. 

PRIMEIRO PREMIO NACIONAL DE CLUBS DE LECTURA

 

Hoxe temos a gran sorte de poder compartir con toda a comunidade educativa do Ceip de Curtis a alegría por ter recibido o primeiro premio nos Clubs de Lectura do Ministerio de Educación e formación profesional.

Este centro educativo xa recibira un segundo premio no curso anterior. Este ano, logramos o primeiro e énchenos de satisfacción porue ademáis da dotación económica ( 5000 euros) que nos permitirá facer melloras na biblioteca sentimos orgullo polo recoñecememto a unha labor que levamos facendo durante anos.

No seguinte video podedes ver un resumo do club de lectura do curso 2022/23 "O MUNDO MÁXICO DE HARRY POTTER" que resultou premiado.

GUÍA DE USUARIOS DA BIBLIOTECA DO CEIP DE CURTIS

 

BENVIDOS AO CURSO 2023/24

 

Durante este curso 2023/24, dende a biblioteca propoñemos levar a cabo o proxecto integrado a nivel de centro titulado “Galicia somos nós”, a través do cal pretendemos afondar no coñecemento de Galicia de forma poliédrica. Galicia en canto a identidade eco-xeográfica, en canto a organización política e devir histórico propio que actúa no presente e mira cara o futuro.

Afondaremos na historia e orixe de Galicia para comprender a singularidade propias da nosa lingua e cultura. Tamén trataremos de coñecer o medio natural galego, as paisaxes e os espazos do territorio galego que inciden na configuración da sociedade, da economía e das comunicacións permitíndonos identificar fortalezas, debilidades e desafíos para a Galicia do futuro na que os nenos de hoxe serán os protagonistas. 

Finalmente coñeceremos algunhas das manifestacións máis representativas do patrmoio etnográfico galego.

TODO UN RETO!!! 

ARGALLANDO CO CROMA

 

UN CLUB DE LECTURA MÁXICO

 

Neste video podedes ver resumida a actividade do noso club de lectura ao longo do curso 2022/23.

Foi un club de lectura máxico no que compartimos lecturas, conversas, impresións e moito máis. O equipo da biblioteca quere agradecerlles a súa participación e invitalos a vindeiras edicións.

GRACIAS A TODOS POLA VOSA PARTICIPACIÓN!!!

EXCURSIÓN Á CIDADE DE LUGO DO CLUB DE LECTURA

 Como remate da actividade do Club de Lectura participaron nunha excursión gratuita á cidade de Lugo, percorrendo as rúas, visitando a muralla, con xogos pola cidade e no escape room "Guerra Máxica". Pasamos unha xornada inesquecible que agardamos repetir pronto.

 

OS INVENTOS MÁXICOS DE HARRY POTTER NO CLUB DE LECTURA

Na última sesión do club de lectura na biblioteca visionamos algúns dos fragmentos da segunda película da saga de Harry Potter e a continuación participaron nunha actividade titulada "OS INVENTOS MÁXICOS DE HARRY POTTER" xa que este ano o Proxecto do Centro refírese a esta temática. Cada grupo diseñou un invento máxico que logo foron expostos no centro. Premede no video para ver mais.